وقع القناع ...
بانت ملامحى للاسف
بان ان ضحكى كدب كان ساتر دموعى
و انكشفت
بان ان قلبى فى الليالى
خوفه خلاه ارتجف
و انتوا فاكرين ان رعشه قلبى رقص؟؟
و ان دمعة عينى من كتر الفرح؟؟
وقع القناع ...
و بانت ملامحى للاسف
يمكن عشان صاحبة و باعت عشرة سنيناً
كنا لسانين
بقلب واحد فى الحياه
قاسمينه بنا
كانت ليا نور و لقلبى روح
و لنارى جنه
كانت وسط بستان الامل ...
افراح و حنه
لكن فجأه من حياتى ...
طيفها اتخطف
وقع القناع
بانت ملامحى للاسف
يمكن عشان قصة غرام عاشت سنين
كان كل يوم يكتب غروب الشمس
سطر من الحنين ...
يجى القمر و يا النجوم ...
لشوقنا هما المشتاقين
و صوت غنانا يضمنا و يلفنا
و يا الطيور الفرحانين
وفجأه قلبى ملقتوش ...
منى اتخطف ...
وقع القناع
بانت ملامحى للاسف
يمكن عشان كل اللى جوى القلب
مش ف لسانى
مهما انجرحت زمان ...
اقول الحياه عجبانى
عاشقة بحب الدنيا
و هى ليه كارهانى ؟؟
سرقت مُنايا ..
غنايا ...
و تقولى انتى الجانى ...
جيت ادعى و اقول يارب
صوتى منى اتخطف ...
وقع القناع
بانت ملامحى للاسف
![۩ ۩||[−ـ‗_ДĹ-ƒИД.ДИ_‗ـ−]|](https://2img.net/i/fa/onyx/logo.jpg){kind=logo}
موضوع: سقط القناع 
الثلاثاء أبريل 17, 2007 4:32 pm
بجد جمييل مووت 