قصة بنت ترفع الضغط ......

ايه رايكم نضحك شوية مع البنت المميزة دي

اللي بجد بترفع الضغط اوي اوي

التلفون يرن ......

الطفلة : الووووو

المراة : الوو مرحبا

الطفلة : اهلا

المراة : الوالدة فين ؟

الطفلة : معندناش وحدة والدة

المراة : لا لا عيب لا سمح الله ربنا يخليهالكم

الطفلة : ايه لاسمح الله ما لا سمح الله بقولك معندناش والدة

المراة : عمرك كام يا شاطرة ؟

الطفلة : عرفتي ازاي اني شاطرة

المراة : تضحك وتقول باين عليكي دمك خفيف

الطفلة : انتي اللي دمك خفيف متقوليش عني كدة

المراة : واضح انك صغيرة

الطفلة : انا اطول منك

المراة : طيب يلا اعطيني ماما

الطفلة : ليه هيا مامتك عندنا ؟

المراة : خلاص نادي امك

الطفلة : ماما معندهاش نادي

المراة : الله يصبرني

الطفلة : يصبرك مع شوك ولا بدون شوك ؟

المراة : وهيا بتصرخ " اديني اي حد كبير "

الطفلة : كبير بالحجم ولا بالطول ولا بالعمر

المراة : اديني اي حد برميل اتكلم معاه

الطفلة : استغفر الله العظيم عايزة تتكلمي مع برميل بس البرميل جماد

المراة : دلوقتي جاية عندكم اديني اي حد كبير

الطفلة : لا متجيش عندي عشان صاحباتي عندي لما يروحو ابقي تعالي

المراة : طيب بس لما اشوفك هعمل منك بطاطس

الطفلة : بطاطس مسلوقة ولا مشوية بالفرن

المراة : الاحسن ليكي انك تسكتي عشان زعلتيني

الطفلة : مين اللي زعل التاني اصلا

المراة : خلاص بقى زودتيها عاد ( عاد كلمة فلسطينية )

الطفلة : عاد فين لبيته ؟ عاد ولا ثمود كخخخخخ حلوة دي صح

المراة : عاد لبيته

الطفلة : الصراحة انا مش مبسوطة في حاجة مزعلاني

المراة : ياريت تفضلي زعلانة يمكن تنفجري زي البالون

الطفلة : لون البالون ايه اللي بنفجر زيه

المراة: تصرخ باعلى صوتها الوالدة فييييييييين ؟

فتاخذ الام التلفون من الطفلة

وتقول الووووو مين معاية ؟

المراة : ياااااااااااااااااه اي البنت دي طلعتلي قرن بدماغي

الام : قرن ايه ؟ قرن الغزال ولا قرن موز

المراة : زي دايما رايقة وعايزة تهزري بس ، لا قرن ثور

الام : حجمه اد ايه الثور دة ؟

المراة اقفلت سماعة التلفون وذهبت الى بيت صديقتها وترن الجرس

فتقول الام للطفلة : قومي شوفي مين عالباب

تركض الطفلة نحو الباب ، تجلب كرسي وتصعد عليه ثم تنظر الى اعلى الباب وتقول مفيش حد عالباب

في وحدة بس وراه ...

فتقول الام : خلاص سيبيها ترن عالجرس اد مهيا عايزة

الطفلة : اي جرس؟ جرس المدرسة ؟ ولا جرس البيت ؟

الام : لا جرس البيت

الطفلة : جرس بيتنا دة ولا جرس البيت الجديد اللي بنيناه

الام : لا جرس بيت الجيران

وبعد ربع ساعة لقوا المراة ميتة عند منزل صديقتها بسبب ارتفاع حاد في ضغط الدم والسكر

وانفجار بالمرارة وتمزق بالمصران

ايه رايكم في البت دي ؟ ترفع الضغط والسكري ولا لا ؟ انا عن نفسي اخدت حبوب مهدئة

عشان ابقى ريلاكس اوي ومروحش فيها اعدام .....